Տարիքի հետ կանանց քաշը հաճախ ավելանում է, ուստի զարմանալի չէ, որ նրանք փնտրում են արդյունավետ մեթոդներ, որոնք թույլ կտան կարգի բերել կազմվածքը 40 տարեկանից հետո՝ առանց առողջությանը վնաս հասցնելու: Գոյություն ունեն բազմաթիվ սննդակարգեր, որոնք նախատեսված են ավելորդ քաշից ազատվելու համար, սակայն փորձը ցույց է տվել, որ դրանք հաճախ անարդյունավետ են լինում և դառնում են առողջական բազմաթիվ խնդիրների առաջացման պատճառ:

Այնուամենայնիվ՝ սննդաբանները ներկայացրել են մի քանի պարզ խորհուրդ, որոնք կօգնեն ազատվել ավելորդ քաշից 40 տարեկանից հետո: Ընդ որում՝ նիհարելու այս մեթոդը ոչ միայն վնասակար չէ, այլև կօգնի զգալիորեն բարելավել ինքնազգացողությունն ու առողջական վիճակը:

1.      Համեմունքներ օգտագործել

Համեմունքները շատ կարևոր են նիհարել ցանկացողների համար: Օրինակ՝ կայենյան պղպեղը բարելավում է նյութափոխանակությունն ու նվազեցնում քաղցր ու ճարպոտ մթերք ուտելու ցանկությունը, ուստի այն հարկավոր է անպայման ներառել սննդակարգում

2.      «Վերադառնալ» մանկություն

Երեխաները սնվում են միայն քաղցած լինելու դեպքում և դադարում են ուտել, երբ այլևս քաղցած չեն: Սա հիանալի սովորություն է, որին պետք է հետևել նաև մեծահասակները, քանի որ նրանք հաճախ չարաշահում են սնունդը սթրեսից ազատվելու համար:

3.      Մոռանալ «ես չեմ կարող» արտահայտությունը

Մասնագետները խորհուրդ են տալիս մոռանալ այս արտահայտության մասին և միշտ լինել ֆիզիկապես ակտիվ: Հարկ է հիշել, որ միայն պարբերաբար մարզվելը կօգնի պահպանել առողջությունը, ամրապնդել հոդերն ու ազատվել ավելորդ քաշից:

4.      Նախապես կազմել սննդակարգը

Ճիշտ սննդակարգը ներառում է լիարժեք նախաճաշ, ճաշ ու ընթրիք, ուստի մասնագետները խորհուրդ են տալիս կենտրոնանալ սննդակարգի պլանավորման վրա և նախապես կազմել այն:

5.      Մի փոքր շոկոլադ ուտել

Սննդաբանների խոսքով՝ խիստ սահմանափակումները կարող են լուրջ հետևանքներ ունենալ, ուստի քաղցր կամ աղի որևէ համեղ բան ուտելու ցանկության դեպքում խորհուրդ է տրվում ուտել այն, սակայն խիստ չափավոր քանակությամբ:

6.      Ուշադրություն դարձնել մթերքի որակին

Նաև հարկ է հիշել, որ ուտեստի կալորիաները հաշվելու փոխարեն անհրաժեշտ է ուշադրություն դարձնել դրա որակին ու օգտակար հատկություններին, քանի որ միայն առողջարար մթերքը կօգնի ազատվել ավելորդ կիլոգրամներից:

7.      Չշեղվել սնվելու ընթացքում

Ուսումնասիրությունները ցույց են տվել, որ ուտելու ընթացքում հեռուստացույց դիտելու դեպքում մարդն ավելի շատ է ուտում, քան հարկավոր է նրա օրգանիզմին, ուստի սնվելիս հարկավոր է ուշադրությունը կենտրոնացնել միայն սննդի վրա և չշեղվել:

Նյութի աղբյուրը՝ fithacker.ru