Բժիշկները պարզել են, որ կանանց 40%-ը կյանքի ընթացքում բախվում են ցիստիտի այս կամ այն ախտանշաններին: Ընդ որոմ՝ ոչ բոլորն են նման դեպքերում դիմում բժշկի օգնությանը, մինչդեռ ժամանակին ստացած բուժումը կարող է ոչ միայն ազատել տհաճ ախտանշաններից, այլև բուժել հիվանդությունն ու կանխել բարդացումները:

Ինչ է ցիստիտը

Այս տերմինով բնորոշվում են միզապարկի մի շարք հիվանդույուններ (հիմնականում միզազատման համակարգի վարակներ), որոնք պայմանավորված են ախտածին բակտերիաներով: Հաճախ հիվանդությունն ի հայտ է գալիս մրսածության ֆոնին: Սակայն ցիստիտը կարող է պայամնավորված լինել նաև հիգիենայի պարագաների կամ դեղամիջոցների առաջացրած ռեակցիայով: Օրինակ՝ սերմնասպան մոմիկները կամ ինտիմ հիգիգիենայի պարագաները կարող են առաջացնել բորբոքումներ, որոնք էլ վարածվում են ցիստիտի:

Արդյոք ցիստիտը սեքսով զբաղվելու հետևանք է

Սեռական ակտի ժամանակ բակտերիաներն իսկապես կարող են հայտնվել միզուղիներում, սակայն որպես կանոն դա ոչ մի վնասակար հետևանք չի ունենում: Ուստի՝ տարածված կարծիքն այն մասին, թե ցիստիտը կարող է սեքսով զբաղվելու հետևանքով առաջանալ, չի համապատասխանում իրականությանը:

Չնայած, որ այն հաճախ անվանում են «մեղրամսի հիվանդություն», գոյություն ունեն մի շարք այլ պատճառներ, որոնցով կարող է պայմանավորված լինել վարակների առաջացումը: Օրինակ՝ սխալ հիգիենան աղիները դատարկելուց հետո, միզապարկում դրա պարունակության լճացումը և նույնիսկ դաշտանադադարի ժամանակ կանանց հորմոնների պակասը:

Ցիստիտի ախտանշաններն են.

·         որովայնի ստորին հատվածի ցավը,

·         միզելիս այրոցի զգացողությունը,

·         պղտոր մեզը,

·         հաճախակի միզելու ցանկությունը:

Այս ախտանշանները դեռ միանշանակ չեն խոսում ցիստիտի առկայության մասին, սակայն դրանք բժշկին այցելելու լուրջ պատճառ են: Մեծ մասամբ՝ ժամանակին հիվանդությունն ախտորոշելու դեպքում կարելի է խուսափել բարդացումներից և շատ արագ ազատվել տհաճ ախտանշաններից: Եթե հիվանդը անուշադրությանն է մատնել հիվանդությունը և այն արդեն խորացել է, ապա բժիշկն ամենայն հավանականությամբ կնշանակի հակաբիոտիկներով բուժման կուրս:

Ինչ կլինի բժշկի հետ չխորհրդակցելու դեպքում

Որոշ չխորցած դեպքերում ցիստիտն իսկապես կարող է բուժվել առանց որևէ միջամտության, սակայն որոշ ժամանակ հիվանդին կանհանգստացնեն տհաճ զգացողություններն ու ինքնազգացողության վատացումը: Բացի այդ, միշտ կա բարդությունների և հիվանդության կրկնության վտանգ:

Հարկ է հիշել, որ միայն բժիշկը կարող է որոշել հիվանդության ծանրության աստիճանը: Թեթև դեպքերում հիվանդին կառաջարկվի պարզապես մեծացնել օրվա ընթացքում օգտագործվող հեղուկի քանակությունը, որպեսզի վարակը շուտ դուրս գա օրգանիզմից: Ավելի լուրջ դեպքերում հարկավոր է անպայման ընդունել հակաբիոտիկներ, քանի որ կա հավանականություն, որ ցիստիտը կվերածվի երիկամային վարակի:

Երբ է հարկավոր անհապաղ դիմել բժշկին

Հիվանդը պետք է անհապաղ դիմի համապատասխան մասնագետի օգնությանը, եթե.

·         ցիստիտի ախտանշանների ի հայտ գալը կրում է պարբերական բնույթ,

·         կան խնդիրներ՝ կապված երիկամների հետ,

·         կինը հղի է և նկատում է ցիստիտի ախտանշաններ:

Նյութի աղբյուրը՝ my.goodhouse.com.ua