Ավելորդ կիլոգրամները ոչ միայն տգեղ են դիտվում, այլև կարող են առողջական խնդիրներ առաջացնել, ուստի դրանցից հարկավոր է ազատվել: Սակայն նիհարելն ու քաշը պահպանելն այդքան էլ հեշտ չէ: Այնուամենայնիվ գոյություն ունի մի սննդակարգ, որը կօգնի ազատվել ավելորդ քաշից, առանց օրգանիզմին վնաս հասցնելու: Պարզապես հարկավոր է օրվա սննդակարգը կազմել՝ համաձայն ստորև ներկայացված կանոնների:

·         Նախաճաշին՝ մեկ բաժին սպիտակուցներ (1-ին ցուցակ) և մեկ բաժին մրգեր ու բանջարեղեն (2-րդ ցուցակ)

·         Ճաշին՝ մեկական բաժին սպիտակուցներ, մրգեր ու բանջարեղեն և ածխաջրեր (3-րդ ցուցակ)

·         Հետճաշիկին՝ մեկական բաժին սպիտակուցներ, մրգեր ու բանջարեղեն և ածխաջրեր

·         Ընթրիքին՝ մեկական բաժին սպիտակուցներ և մրգեր ու բանջարեղեն

1-ին ցուցակ՝ սպիտակուցներ

Հարկավոր է ընտրել հետևյալ տարբերակներից մեկը. 2 հավկիթ (ցանկացած ձևով պատրաստված), 170 գրամ անյուղ ձուկ ու ծովամթերք, 110 գրամ անյուղ խոզապուխտ ու անյուղ միս (ոչ տապակած), 100 գրամ անյուղ կաթնաշոռ(1-5%), 60 գրամ անյուղ պանիր, 120 մլ անյուղ կաթ, կեֆիր կամ բնական յոգուրտ (1-1,5%) և կես բաժին ցանկացած այլ սպիտակուցային մթերք. 30 գրամ ընկուզեղեն (բացի գետնանուշից):

2-րդ ցուցակ՝ մրգեր ու բանջարեղեն

Բանջարեղենային աղցան (բացի կարտոֆիլից ու լոբազգիներից) կամ մի քանի թարմ բանջարեղեն (ամբողջական), 300 գրամ շոգեխաշած բանջարեղեն (բացի կարտոֆիլից, եգիպտացորենից ու ոլոռից), 150 գրամ պահածոյացված եգիպտացորեն կամ կանաչ ոլոռ, 200 գրամ մրգային կամ հատապտղային ասորտի, 1-2 հատ ամբողջական միրգ կամ 2 ոչ մեծ կտոր դդում, 60 գրամ ցանկացած չորամիրգ:

3-րդ ցուցակ՝ ածխաջրեր

3-4 ճ.գ. խաշած բրինձ, հնդկաձավար կամ ցորենի պինդ տեսակներից պատրաստված մակարոնեղեն (կարելի է ավելացնել մի փոքր տոմատի սոուս),3-4 գդալ կարտոֆիլի խյուս, ոլոռ, լոբի, ոսպ կամ եգիպտացորեն կամ միջին չափի խորոված կան խաշած կարտոֆիլներ, մեկ ոչ շատ մեծ խաշած եգիպտացորեն, մի կտոր տարեկանի հաց կամ ամբեղջական հացահատիկից պատրաստված հաց (կարելի է նաև թեփով հաց):

Նյութի աղբյուրը ՝ fithacker.ru