Բնական արդյունավետ դիմակ՝ վարսերն ու գլխամաշկը սնուցելու և թեփից ազատվելու համար

Փարթամ ու գեղեցիկ վարսերը, ինչպես նաև առողջ գլխամաշկը վկայում են օրգանիզմի առողջության մասին, ուստի հարկավոր է միշտ ուշադիր լինել մազերի ու գլխամաշկի նկատմամբ և ճիշտ խնամքի միջոցներ ընտրել:

Գոյություն ունեն մազերի ու գլխամաշկի համար նախատեսված բազմաթիվ կոսմետիկ միջոցներ, սակայն դրանք սովորաբար պարունակում են մեծ քանակությամբ քիմիական վնասակար նյութեր, ինչի հետևանքով էլ առաջացնում են մի շարք կողմնակի բարդություններ: Սա է պատճառը, որ մասնագետները հաճախ խորհուրդ են տալիս նախապատվությունը տալ բնական միջոցներին:

Ձեր ուշադրությանն ենք ներկայացնում վարսերի համար նախատեսված մի բուսական դիմակ, որը կօգնի ձեռք բերել առողջ ու գեղեցիկ վարսեր ընդամենը 10 օրում: Ընդ որում՝ այս դիմակը շատ հասանելի է, քանի որ դրա բաղադրիչները կան գրեթե բոլորի տանը:

Այս դիմակի գլխավոր առավելությունն այն է, որ այն շատ արդյունավետ է, սակայն չի պարունակում քիմիական վնասակար տարրեր, ինչի շնորհիվ չի առաջացնում որևէ կողմնակի բարդություն: Բացի այդ, այն նաև սնուցում ու բուժում է գլխամաշկը՝ ազատելով այնպիսի տհաճ խնդրից, ինչպիսին է գլխամաշկի թեփը:

Անհրաժեշտ բաղադրիչները.

·         շամբալայի (այծառվույտ, пажитник) սերմեր,

·         1 ճաշի գդալ կիտրոնի հյութ,

·         1 ճաշի գդալ կոկոսյան ընկույզի յուղ:

Պատրաստման եղանակը.

Շամբալայի սերմերը հարկավոր է երեկոյան թրջել և թողնել ամբողջ գիշեր: Առավոտյան սերմերը քամելը, լցնել դրանք կոտորակիչի մեջ և մանրացնել մինչև ստացվի համասեռ մածուկ: Սերմերի քանակությունը կախված է մազերի երկարությունից ու հաստությունից:

Այնուհետև ստացված մածուկին ավելացնել մեկական ճաշի գդալ կիտրոնի հյութ ու կոկոսյան ընկույզի յուղ և լավ խառնել: Քսել դիմակը վարսերին, թողնել 30 րոպե, այնուհետև լվանալ վարսերը շամպունով: Այս պրոցեդուրան հարկավոր է կրկնել շաբաթական 2-3 անգամ:

Նյութի աղբյուրը՝ glowpink.com