Ավելորդ քաշն առողջական լուրջ խնդիր է, որը բարձրացնում են բազմաթիվ վտանագավոր հիվանությունների առաջացման հավանականությունը, ուստի զարմանալի չէ, որ բժիշկները խորհուրդ են տալիս կարգավորել քաշն ու ազատվել ավելորդ ճարպաշերտերից: Սակայն այս խնդրից ազատվելու համար հարկավոր է ոչ միայն մարզվել ու հետևել օգտագործվող սննդի կալորիականությանը, այլև պահպանել օրգանիզմի մաքրությունը:

Գոյություն ունեն բազմաթիվ դիետաներ որոնք օգնում են կարգի բերել կազմվածքը և ազատվել ավելորդ կիլոգրամներից, սակայն դրանք ոչ միշտ են բավական արդյունավետ լինում և հաճախ առաջացնում են տարատեսակ կողմնակի բարդություններ: Այնուամենայնիվ կա մի սննդակարգ, որը ոչ միայն շատ արդյունավետ է, այլև բացարձակապես անվտանգ:

Ձեր ուշադրությանն ենք ներկայացնում մի արդյունավետ դիետա, որը կօգնի մաքրել օրգանիզմը տոքսիններից ու ազատվել ավելորդ կիլոգրամներից, ինչպես նաև ամրապնդել իմունային համակարգն ու կանխել վարակումները: Այս սննդակարգում ներառված են մեծ քանակությամբ մրգեր ու բանջարեղեն, որոնք պարունակում են շատ քիչ շաքար, սակայն հարուստ են օգտակար նյութերով ու ջրով:

Այս դիետան նախատեսված է հինգ օրվա համար, սակայն ցանկության դեպքում այն կարելի է երկարացնել (7-10 օր): Սակայն հարկ է հիշել, որ դիետան դադարեցնելուց հետո անհրաժեշտ է շաբաթական մեկ անգամ սնվել այս սննդակարգով, այլապես կորցրած կիլոգրամները շատ արագ կվերականգնվեն: Բացի այդ, դա կօգնի հարստացնել օրգանիզմը վիտամիններով, հանքանյութերով ու մանրաթելերով, ինչպես նաև բարելավել մարսողությունը:

Հարկ է հիշել, որ սկզբնական շրջանում կարող է նկատվել հոգնածություն, գլխացավեր, գլխապտույտ և անգամ բերանի խոռոչի տհաճ հոտ, սակայն անհանգստանալու կարիք չկա, քանի որ այդ ախտանշանները պայմանավորված են լինում սննդակարգի կտրուկ փոփոխությամբ:

Չնայած, որ այս դիետան հիմնված է մրգերի ու բանջարեղենի վրա, անհրաժեշտ է բացառել սննդակարգից բանանը, լոբին, ոլոռը, կարտոֆիլն ու շաքարը: Ճիշտ սնվելու և բոլոր ցուցումներին հետևելու դեպքում այս սննդակարգը կօգնի ընդամենը մեկ շաբաթում ազատվել մինչև 3 կգ ավելորդ քաշից:

1-ին օրը.

·        Նախաճաշին՝ մրգեր, տոստի հաց, սուրճ:

·        Ճաշին՝ մրգեր, խաշած հավկիթ, կեֆիր:

·        Ընթրիքին՝ 2 հատ լոլիկ, 2 հատ խաշած հավկիթ, 1 հատ վարունգ, 2 հատ թխվածքաբլիթ:

2-րդ օրը.

·        Նախաճաշին՝ մրգեր, տոստի հաց, սուրճ:

·        Ճաշին՝ մրգեր, խաշած հավկիթ, կեֆիր, 2 հատ թխվածքաբլիթ:

·        Ընթրիքին՝ լոլիկ, մրգեր, 125 գրամ տավարի խաշած միս:

3-րդ օրը.

·        Նախաճաշին՝ մրգեր, տոստի հաց, սուրճ:

·        Ճաշին՝ մրգեր, յոգուրտ, 2 հատ վարունգ:

·        Ընթրիքին՝ 125 գրամ հորթի միս, մրգեր, տոստի հաց:

4-րդ օրը.

·        Նախաճաշին՝ մրգեր, տոստի հաց, սուրճ:

·        Ճաշին՝ 125 գրամ պանիր, լոլիկ, տոստի հաց:

·        Ընթրիքին՝ 125 գրամ հորթի միս, մրգեր, տոստի հաց:

5-րդ օրը.

·        Նախաճաշին՝ մրգեր, տոստի հաց, սուրճ:

·        Ճաշին՝ 200 գրամ տավարի խաշած միս, լոլիկ, տոստի հաց:

·        Ընթրիքին՝ 500 գրամ բանջարեղեն (եփած), հավկիթ, լոլիկ:

Նյութի աղբյուրը՝ healthyfoodteam.com