7 ախտանշան, որոնք վկայում են, որ հասարակ մրսածությունը վերածվել է թոքաբորբի

Թոքաբորբը լուրջ խնդիր է, որը պատշաճ կերպով չբուժելու հետևանքով կարող են ի հայտ գալ վտանգավոր բարդություններ: Այս հիվանդությունը կարող է պայմանավորված լինել ինչպես մրսածությամբ ու ալերգիայով, այնպես էլ կրծքավանդակի վնասվածքներով:

Թոքաբորբոքվ կարող են հիվանդանալ ինչպես երեխաները, այնպես էլ մեծահասակները, սակայն մասնագետները հաճախ նշում են, որ այս հիվանդությունն առավել հաճախ հանդիպում է ծխախոտն ու ալկոհոլը չարաշահողների մոտ:

Այս խնդիրը ոչ մի դեպքում չի կարելի անտեսել, սակայն պետք չէ նաև խուճապի մատնվել, քանի որ ժամանակին բժշկին դիմելու դեպքում կարելի է արդյունավետ կերպով բուժել թոքաբորբը:

Ձեր ուշադրությանն ենք ներկայացնում 7 ախտանշան, որոնք վկայում են, որ հասարակ մրսածությունը վերածվել է թոքաբորբի և հարկավոր է շտապ միջոցներ ձեռնարկել:

1.  Դող ու տենդ

Թոքաբորբի դեպքում մարմնի բարձր ջերմաստիճանը (սովորաբար 38,5 °С-ից բարձր) պահպանվում է ավելի քան 4 օր և այն իջեցնելը բավական դժվար է լինում: Այս ֆոնին կարող է նկատվել նաև դող: Սակայն հարկ է հիշել, որ միայն բարձր ջերմությունն ու դողը չեն կարող որոշիչ գործոն համարվել, քանի որ դրանք կարող են վկայել նաև մի շարք այլ հիվանդությունների մասին:

2.  Քնկոտություն

Թոքաբորբի ժամանակ հիվանդի օրգանիզմը թուլացած է լինում, ինչի հետևանքով նկատվում է էներգիայի պակաս ու քնկոտություն:

3.  Թոքաբորբին բնորոշ հազ

Թոքերի բորբոքման ամենաակնհայտ ախտանշաններից մեկն ուժեղ հազն է: Ընդ որում՝ կարող է նկատվել նաև բաց շագանակագույն կամ կանաչավուն խորխ (երբեմն արյան հետքերով):

4.  Հաճախակի, ոչ խորը շնչառություն և հևոց

Թոքաբորբը հիվանդություն է, որն ախտահարում է թոքերը, ինչի հետևանքով հաճախ նկատվում են շնչառական խնդիրներ ու հևոց:

5.  Սրտի զարկերի արագացում

Մասնագետները նշում են, որ թոքաբորբի դեպքում արագանում է նաև սրտի զարկերի հաճախականությունը, ուստի անհրաժեշտ է ուշադրություն դարձնել նաև այս ախտանշանին:

6.  Կրծքավանդակի ցավ

Թոքաբորբի դեպքում ցավոտ զգացողություններն ի հայտ են գալիս ոչ միայն հազալիս, այլև պարզապես շնչելու ժամանակ:

7.  Ինքնազգացողության վատացում գրիպից կամ մրսածությունից հետո

Եթե գրիպը կամ մրսածությունը չեն բուժվում բավական երկար ժամանակ, իսկ մարմնի ջերմաստիճանը պարբերաբար բարձրանում է, ապա հարկավոր է անհապաղ խորհրդակցել բժշկի հետ և ներկայացնել բոլոր ախտանշանները, քանի որ այդ դեպքում բարձր է թոքաբորբի հավանականությունը:

Ինչ է հարկավոր անել

Թոքաբորբի առաջին իսկ ախտանշանների դեպքում անհրաժեշտ է անմիջապես դիմել բժշկին, իսկ անհրաժեշտության դեպում «շտապօգնություն» զանգահարել: Հարկավոր է ամենայն մանրամասնությամբ ներկայացնել բժշկին առկա բոլոր ախտանշանները և չանհանգստանալ անմիջապես ախտորոշումը չստանալու դեպքում, քանի որ թոքաբորբը հստակ կարելի է ախտորոշել միայն ռենտգենային հետազոտությունից հետո:

Ախտորոշման հաստատման դեպքում անհրաժեշտ է անհապաղ սկսել բուժումը և պատրաստ լինել, որ բուժումն ավարտելուց հետո անհրաժեշտ է անցնել ֆիզիոթերապիայի կուրս և զբաղվել բուժական մարմնամարզությամբ:

Նյութի աղբյուրը՝ adme.ru